Shefi kundër terrorizmit në Britani, Mark Rowley, ka paralajmëruar se grupi militant Shteti Islamik (IS) po planifikon “sulme të mëdha dhe spektakolare” në Perëndim.
Ai tha se Shteti Islamik ka goditur kryesisht simbolet e shtetit, të tilla si ushtria dhe policia, por tani planifikon sulme më të gjera, të tilla si ato të nëntorit të kaluar në Paris, të cilat lanë të vrarë 130 veta.
“Është një grup që ka ambicie të mëdha për sulme të mëdha dhe spektakolare”, ka thënë Rowley.
Ai ka shtuar se policia për momentin nuk ka informacione për një sulm të tillë, por se autoritetet duhet të jenë gati për të gjitha mundësitë.
