Planeti është në rrugë drejt një rritjeje katastrofike të temperaturave këtë shekull, ka paralajmëruar Organizata e Kombeve të Bashkuara.
Temperaturat përgjatë vitit 2020-të ishin më të lartat të regjistruara ndonjëherë, duke rivalizuar edhe vitin 2016 që konsiderohej si më i nxehti në histori, sipas të dhënave nga Organizata Botërore e Meteorologjisë.
I nxehti erdhi edhe si pasojë e ngadalësimit global ekonomik për shkak të pandemisë së koronavirusit, që zvogëloi ndjeshëm emisionet nga lëndët djegëse fosile, duke shtuar më tepër provat se përqëndrimet e dioksidit të karbonit në atmosferë tashmë e kanë vendosur planetin drejt një rrugëtimi të ngrohtë.
Sekretari i Përgjithshëm Antonio Guterres tha se rritmi i pamëshirshëm i ndryshimit të klimës po “shkatërron jetën” në planet. Ai tha se 2011 deri në 2020 ishte edhe dekada më e ngrohtë e regjistruar ndonjëherë.
Ai tha se temperatura mesatare globale në vitin 2020 ishte rreth 14.9 gradë Celsius.
Faza e ftohtë “La Nina” e ciklit të temperaturave të sipërfaqes së Oqeanit Paqësor “vendosi një frenim në nxehtësi vetëm në fund të vitit”, tha OBM, ndërsa ky fenomen pritet të vijojë edhe gjatë 2021.
