Është shkarkuar nga detyra prokurori i Prokurorisë së Tiranës Adriatik Cama. Ky ka qenë vendimi i dhënë sot nga ana e KPK-së, që në arsyetim thuhet se shkarkimi i prokurorit është bërë për shkak se nuk justifikonte pasurinë e tij.
Më tej dje u tha dhe se Cama, gjatë ushtrimit të detyrës si prokuror në Lushnje ka marrë para nga njerëz të inkriminuar.
Cama ka qenë prokuror i çështjes së 21 Janarit, për të cilën tha dje që e ka bërë detyrën e tij të hetimit. Po ashtu ai u shpreh dje se nuk ka marrë asnjëherë para nga njerëz të inkriminuar, dhe nëse ka pretendime, personat në fjalë të vinin të dëshmonin në seancën e KPK-së.
Cama tha sot pas vendimit se ai do të ndjekë të gjitha shkallët e drejtësisë për të ankimuar shkarkimin e tij, duke shtuar se ende beson te drejtësia./Fax.al
