Gjatë Festivalit të Kinematografisë, në Kanë ka patur momente paniku. Agjentët e sigurisë kanë evakuuar me qindra persona nga teatri Debussy, ku një çantë e dyshuar ka ndezur panikun dhe ka bërë që të shpërthejë alarmi i sigurisë.
Menjëherë më pas janë bërë edhe kontrolle në salla dhe ka nisur evakuimi me urdhër të policisë. Por, pas 30 minutash alarmi është tërhequr dhe të pranishmit janë lejuar të hyjnë në salla.
Gazetarëve iu tha më vonë se objekti i dyshimtë ka rezultuar i parrezikshëm. Franca ka qenë në gjendje sigurie që prej 2015 kur sulmet terroriste në Paris i morën jetën 130 personave një natë nëntori.
