Gjykata e Posaçme e Apelit ka shpallur fajtorë 3 gjyqtarët e Apelit në Durrës, Kliton Spahiu, Petraq Dhimitri dhe Petrit Çeno.
Prokuroria i akuzonte tre gjyqtarët për korrupsion pasi kanë parë një ndeshje të “El Classico” mes Real Madridit dhe Barcelonës në vitin 2014 duke patur të garantuar udhëtimin dhe qëndrimin në Spanjë nga biznesmeni i arrestuar Naim Sadiku, i cili po gjykohej nga këta 3 gjyqtarë për një çështje në Gjykatën e Apelit të Durrësit.
Prokuroria për Krimet e Rënda ka kërkuar në atë kohë që tre gjyqtarët të dënohen me 3.5 vite burg secili, dhe 2 vite burg biznesmeni Namik Sadik. Sot, GJKKO i ka gjetur fajtorë për akuzën “tre njerëzit e drejtësisë” por në vend të dënimit me burg, i ka dënuar me kusht që për tre vite të mos ushtrojnë funksione publike.
Pra, tashmë tre gjyqtarët do të kalojnë në shërbim prove. Gjithashtu, edhe biznesmeni Namik Sadik është vendosur në shërbim prove.
