Ministri i Bujqësisë, Edmond Panariti, gjatë inspektimit në tregun e kafshëve të gjalla, në fshatin Çërrave të Pogradecit theksoi se institucioni që ai drejton do të marrë masa urgjente për të ndryshuar kushtet.
“Një nga problemet e ngritura, ishte çështja e matrikujve, kostot e së cilës, edhe këtë vit ne do t’i mbulojmë me fondet e Ministrisë së Bujqësisë. Ne tre vite e gjysmë, ajo që është me kryesorja është se arritëm të konsolidojmë sistemin e identifikimit, pasi matrikulimi është mjaft i rëndësishëm edhe për sigurinë ushqimore”, u shpreh ministri..
Në lidhje me listat, që po shqyrton Kolegji Zgjedhor, për afatin e dorëzimit të tyre, Panariti tha se kjo është një çështje që i takon Kolegjit, ndërsa për zgjidhjen e krizës, ministri theksoi se “është optimist që do të gjendet një zgjidhje”.
