Numri i vizitorëve edhe këtë vit në “Panairi i Librit” është i madh dhe ka ngjallur interes tek lexues shqiptarë.
Mes shumë autorëve të njohur këtë vit është shkrimtarja Mira Meksi, e cila sjell për lexuesit dy libra “Pa zemër në kraharor” dhe “Vrasje në Venecia”.
Interesi për dy novelat e fundit të saj ka qenë i lartë, nga të rinjtë, por jo vetëm, pasi në stendën, ku është vendosur, lexuesit kanë qenë në radhë për një dedikim të Meksit.
Një interes të madh në panair për librat kanë treguar edhe fëmijët të shoqëruar me prindërit e tyre, të cilët kanë pritur në rradhë për librin që do të blejnë.
