Një baba dhe një vajzë e vogël janë mbytur këtë të diel në një lum në kufirin Meksisë-SHBA, duke tronditur kështu mbarë opinionin publik.
Pamjet tronditëse janë publikuar nga CNN ku duken trupat e dy viktimave të cilët nuk i mbijetuar dot rrymës së fortë.
Oscar Alberto Martinez kishte kaluar lumin Rio Grande dhe ishte kthyer për të marrë gruan dhe vajzën e tij 2-vjeçare. Vajza e vogël Angie kërceu në trupin e të atit për të kaluar lumin bashkë me të, por babai nuk mundi të kalojë dot. Gruaja, Tania, pa vajzën dhe bashkëshortin teksa po mbyteshin.
Babai dhe vajza që humbën jetën në tentativë për të kaluar lumin, ishin nga El Salvador. Kjo foto është një dëshmi që tregon qartë se çfarë po ndodh në kufirin mes Meksikës dhe Shteteve të Bashkuara, ku refugjatë të shumtë përpiqen të kalojnë kufirin për të hyrë në SHBA. Por, politikat bllokuese të shteteve kanë detyruar refugjatët që të gjejnë mënyra të rrezikshme për të hyrë në tokën amerikane.
https://www.youtube.com/watch?time_continue=1&v=F1_rDgUSLz0
