Sulmuesi shqiptar, Muzafer Ejupi me origjinë nga Tetova është dhunuar barbarisht në Kroaci, pas një sherri banal në parkim. Lojtari, i cili luan me skuadrën e Slaven Belupos në momentin e sulmit nga një shtetas kroat ka qenë i shoqëruar nga kunati i tij.
Lajmin e ka konfirmuar edhe policia kroate, teksa sulmuesi shqiptar i Slaven Belupos është dëmtuar rëndë, pas goditjes që ka marrë me një shufër metalike. Ai ka rrezikuar të humbasë syrin e djathtë.
Kujtojmë që Ejupi ka qenë për shumë pak kohë pjesë e skuadrës së Skënderbeut, gjatë vitit 2013. Klubi i Slaven bën thirrje që të merren masat ndaj autorit dhe i ka uruar shërim të shpejtë lojtarit.
