Një luftë e hapur ka nisur në PD mes Komisionit të Rithemelimit dhe Enkelejd Alibeaj. Ndërsa ky i fundit ka njoftuar se sot në 17:00 mblidhet grupi parlamentar i PD, anëtari i Rithemelimit, Edi Paloka e ka sfiduar hapur.
Në një deklaratë për mediat, Paloka ka njoftuar mbledhjen e parë të Këshillit Kombëtar të Partisë Demokratike, me emrat e dalë nga Kuvendi i 30 Prillit për ditën e nesërme në orën 18:00.
“Mbledhja e parë e Këshillit Kombëtar të PD-së do të jetë 6 Maj, ku do të përcaktohet qëndrimi politik i PD-së në lidhje me qëndrimin që do të mbahet për procesin e zgjedhjes së presidentit. Për shkak të urgjencës, mbledhja do të mbahet nesër në 18:00. Këshilli Kombëtar është i vetmi organ që mund të shprehë vullnetin për çështje politike si ajo e presidentit. Po ashtu në mbledhjen e parë do të zgjidhet edhe kreu i Këshillit Kombëtar”, tha Paloka.
