Kryetari i Partisë Demokratike, Sali Berisha ka ngritur shqetësim për gjendjen në të cilën është Pallati i Sportit ‘Farie Hoti’ vetëm 6 muaj pas rikonstruksionit. Berisha ka ndarë një video, në të cilën shfaqet kryebashkiaku, Erion Veliaj duke mbajtur fjalimin e tij pas rindërtimit.
Berisha thotë se pallati i sportit është rrënuar sërish pas 6 muajsh rindërtim. Sipas kreut të PD-së, Veliaj rindërton dhe prish vetëm për të vjedhur.
“Rindërto, prish dhe rindërto për të vjedhur! Moto e Lali Vjedhësit! Pallati i Sportit “Farie Hoti” rrënohet sërish pas rindërtimit! Hajna si këta nuk ka toka! Miq, para 5 muajve, Erion Betoni inauguroi rikonstruktimin e Pallatit të Sportit “Farie Hoti”, nga ku tha se “Me punë arrihet gjithçka, e ky është vetëm fillimi”. Ndiqni këto pamje për të kuptuar punën e Erion Betonit, Lali Vjedhësit dhe moton e tij: Rindërto, prish dhe rindërto për të vjedhur. Ky është fillimi i serialit të vjedhjeve me rikonstruktim të vazhdueshëm. Vjedhje! Turp! Ai si ç’ka thënë edhe vetë SPAK-un e ka në xhep!”, njofton Berisha.
