Zv/ndihmës Sekretari Amerikan i Shtetit, Hoyt Brian Yee, ka përshëndetur marrëveshjen e arritur një javë më parë, mes Edi Ramës dhe Lulzim Bashës.
Në një interviste për “European Wester Balkans”, Brian Yee tha se maxhoranca dhe opozita morën vendime të rëndësishme për kapërcimin e ngërçit politik.
Yee vlerëson si të guximshëm vendimin e opozitës për t’u bërë pjesë në zgjedhje apo dhe përpjekjet e kryeministrit Edi Rama për të bindur opozitën të kthehej nga vendimet e saj të mëparshme.
“Opozita në Shqipëri ndërmori një vendim të guximshëm për të ndryshuar qëndrimin e saj duke vendosur të marrë pjesë në zgjedhjet që u shtynë. Por këtu përmedim edhe Ramën, të cilit iu desh të gjente fleksibilitetin e nevojshëm për të bindur opozitën të kthehej.
Kjo është shumë fitimprurëse për vetë Shqipërinë dhe situatën shqiptare”, u shpreh Yee.
