Një ngjarje e rëndë ka ndodhur në Greqi, ku një vajzë shqiptare nga qyteti i Selanikut është përdhunuar nga një pakistanez.
Ngjarja ka ndodhur ditën e djeshmë në zonën e Dhendropotamo, ku autori ka kapur viktimën 34-vjeçare shqiptare dhe e ka dërguar në një zonë ku nuk kishte lëvizje dhe më pas e ka përdhunuar, ndërsa skenën e rëndë e kanë parë dhe tre burra të tjerë si spektatorë.
E shkatërruar dhe një gjendje të rëndë psikologjike nga ajo që i ka ndodhur, shqiptarja menjëherë ka bërë denoncimin në polici. Policia greke ka nisur kërkimet dhe ka bërë të mundur arrestimin e një 25-vjeçari i akuzuar si bashkëpunëtor ndërsa autori, një pakistanez i moshës 32-vjeç është shpallur në kërkim nga policia greke.
