Të paktën 65 persona gjetën vdekjen dhe dhjetëra të tjerë janë plagosur pas një shpërthimi të fuqishëm në qytetin pakistanez Lahore. Shpërthimi u regjistrua në një park të madh në jugperëndim të qytetit, ku shumë njerëz ishin mbledhur pasditen e kësaj të diele. Shumica e viktimave janë gra dhe fëmijë, po ashtu edhe të plagosurit, i thanë Reuters burime lokale policore.
Shpërthimi ndodhi nga një atentator vetëvrasës, ndërsa sulmin ende nuk e ka marrë përsipër ndonjë organizatë. Të gjitha spitalet në zonë janë vendosur në kushtet e urgjencës për të ndihmuar të plagosurit. Shpërthimi ka ndodhur në hyrje të parkut Gulshan-e-Iqbal, ku zakonisht parkohen shumë makina. Rrëfimet nga vendngjarja janë horror. Shumë pjesë të trupave të viktimave u shpërndanë në park.
