Gjatë fjalës së tij krah Përfaqësuesit të Lartë të BE, Josep Borrell, kryeministri Edi Rama u shpreh i prerë se nëse BE ka një plan për të mbështetur vendet për krizën energjetike apo për pasojat e luftës në Ukrainë, të mos e lejë Ballkanin Perëndimor jashtë siç bëri me vaksinat.
Ndër të tjera, kryeministri Rama shtoi se sipas tij nisja e bisedimeve në tryezë për anëtarësimin në Bashkimin Europian mund të realizohet në muajin qershor, por sipas tij edhe nëse nuk arrihet Shqipëria do vijojë të punojë për detyrat që e afrojnë me standarde Europiane.
“Integrimi është çështje e Këshillit Europian dhe Bashkimit Europian. Deri më tani Këshilli Europain nuk ka arritur të bëjë këtë, për një tryezë bisedimesh për shkak të bllokimit që bëri Bulgari ndaj Maqedonisë së Veriut” u shpreh Rama.
Kreu i qeverisë shqiptare theksoi se duhet të nxitohet me projektin për “Korridorin 8” që është prej disa kohësh në planin ekonomik të investimeve.
