Komisioni i Edukimit dhe Medias ditën e sotme është shoqëruar sërish me debate të ashpra pasi po diskutohet për paketën anti-shpifje ku të pranishëm janë edhe përfaqësues të medias.
Mark Marku ka marrë fjalën ku ka parashtruar kërkesat e tij duke argumentuar edhe pse kjo paketë e cila pritet të votohet në kuvend brenda këtij muaj, është anti-ligjore dhe cënon lirinë e medias.
“Konceptualisht kjo procedurë është jofuksionale pasi nuk përmirësohet një ligj që cenon lirinë e medias. Kushtetuta ia ndalon cdo organi ligjvënës që të cënojë lirinë e medias. Jeni futur në një procedurë të një ligji që cënon lirinë e medias. Kjo që ju Po bëni është krim ose bashkëpunim në krim. Unë si profesor në fakultetin e gazetarisë nuk mund të bëhem bashkëpunëtor në krim. Ky ligj minimalisht duhet të stopohet. Nuk mendoj se si një ligj mund të bëhet nga 12 deputetë kur kanë kundër çdo organizatë për lirinë e medias. Cënoni rëndë lirinë e medias, nuk e di kush e ka bërë këtë ligj por ai që e ka bërë është injorant nga media. Nuk quhet media e shtypur por shtyp i shkruar, ai që e ka bërë do ta shtypë median. Mos bëni ligje kot, sepse ne do e vazhdojmë rezistencën tonë dhe ky do jetë ligj vetëm në letra Nëse e bëni”, tha Marku
(Ndërhyrje nga Mirela Kumbaro)
Marku-Kumbaros: Nuk jam në furgon unë këtu
Kumbaro: Qetësohu dhe ruaj etikën
Marku: Ju s’keni as etikë as integritet. Jeni punëtore të një njeriu që do t’ju shkelë
(Kumbaro lë mbledhjen)
