Vetëm pak kohë në krye të Policisë së Shtetit, drejtori i ri Muhamet Rrumbullaku ka nisur lëvizjet e furishme brenda institucionit që drejton duke firmosur të tjera ndryshime në strukturat e policisë.
Petrit Halo, i cili deri tani drejtonte Komisariatin nr. 4 në Tirane, ka kaluar në krye të Komisariatit nr 1. Këtë të fundit deri para një muaji e drejtonte Bujar Mehmeti. Ky i fundit u pezullua në sajë të hetimeve për ndërtimet pa leje që u evidentuan kryesisht në zonën e Liqenit.
Mehmeti është transferuar në Drejtorinë e Përgjithshme konkretisht në Drejtorinë e Standardeve, aty ku ishte përpara se te behej Shef Komisariati. Ndërkohë në krye të Komisariatit nr 4 është vendosur Luan Hyseni. Burime bëjnë me dije se janë të paktën 30 ndryshime brenda radhëve të Policisë së Shtetit ku janë përfshirë edhe studentët ekselentë dhe janë vendosur në emërimet e reja.
