Është hedhur shorti në gjykatën administrative të Tiranës, për padinë e bërë nga kryebashkiaku Erion Veliaj, kundrejt prokurorit që e hetoi, Olsi Dado.
Mësohet se çështjen do ta shqyrtojnë gjyqtari administrativ i shkallës së parë Hazbi Balliu.
Veliaj e depozitoi padinë pranë kësaj gjykate më datë 23 janar, ku kërkonte shpalljen e pavlefshmërisë absolute të dekretit të emërimit të Dados si prokuror.
Sipas Veliajt, emërimi i Ols Dados në vitin 2008 është kryer në kundërshtim flagrant me ligjin, pasi ai, sipas pretendimeve, është emëruar prokuror pa kryer Shkollën e Magjistraturës, një kriter i domosdoshëm ligjor për ushtrimin e këtij funksioni.
Veliaj thotë se Dado ka kaluar nga statusi i noterit direkt në atë të prokurorit, pa përmbushur kushtet e parashikuara nga legjislacioni në fuqi në atë kohë.
Kujtojmë se Veliaj edhe më herët ka ngritur akuza ndaj prokurorit Dado, ndërsa i ka kërkuar ILD-së dhe KLP-së të nisin hetim ndaj tij dhe ta pezullojnë nga detyra.
