Kryeministri Edi Rama, përmes një postimi në rrjetet sociale, ka rishprehur qëndrimin se pa u kthyer shëndoshë e mirë në shtëpitë e tyre 3 policët e rrëmbyer nga serbët nuk do të ketë asnjë centimetër përparim.
Reagimin Rama e bëri duke komentuar takimet e ditës së sotme të Kryeministrit Albin Kurtit dhe Presidentit serb, Aleksandar Vuçiç, me përfaqësuesin e BE në Bruksel.
“Pa tre djemtë që largohen shëndoshë e mirë nga Serbia, nuk ka hapësirë për të bërë asnjë centimetër përparim të vërtetë! Sapo të kthehen në shtëpi, nevojitet një veprim i ri i fortë i Francës dhe Gjermanisë për të ndaluar këtë spirale absurditeti! POR Gjëja e parë E PARË: LIRONI 3 POLICËT!”, shkruan Rama në Tëitter.
Kryeministri i Kosovës, Albin Kurti, është takuar në pasditen e së enjtes, në Bruksel, me përfaqësuesin e lartë të Bashkimit Evropian, Josep Borrell, dhe me të dërguarin e posaçëm të BE-së për dialogun Kosovë-Serbi, Mirosllav Lajçak.
Pas takimit me Kurtin, zyrtarët e lartë evropianë kanë nisur një takim tjetër, me presidentin e Serbisë, Aleksandër Vuçiç.
Without the 3 guys leaving Serbia safe and sound there is no space to make any inch of real progress! Once they will be back home, a firm new action of France and Germany is needed to stop this spiral of absurdity!
BUT FIRST THING FIRST:
FREE THE 3 POLICEMEN! pic.twitter.com/a4i8ueeWCN— Edi Rama (@ediramaal) June 22, 2023
