Ditën e sotme po zhvillohet raportimi i OSBE/ODIHR për zgjedhjet lokale të zhvilluar ditën e djeshme.
Glover ka theksuar se vijnë në Shqipëri pa asnjë mbështetje, mendim apo dhe plan për çfarë do të bëjnë apo do të vendosin.
Fjala e përfaqësueses së OSBE/ODHIR:
“Unë do të doja t’ju falendëroja që jeni sot këtu dhe MJEP që na ka ftuar për të vëzhguar këto zgjedhje dhe autoritetet, gjithashtu partitë politike dhe shoqërinë civile. Këto janë zgjedhjet e 14 që OSBE vëzhgon në këtë vend. Ne kemi mbërrritur si mision që në 23 Maj e më pas kanë ardhur vëzhguesit afat gjatë dhe ata afatshkurtër. Ne vëzhgojmë të gjithë procesin zgjedhor para dhe pas ditës së zgjedhjeve. Jemi këtu pa ndonjë ide të paracaktuar dhe pa ndonjë agjendë. Ne jemi të paanshëm dhe lëmë faktet të flasin për ne. Neve nuk na intereson se kush i fiton zgjedhjet, ne i vlerësojmë ato në bazë të përputhshmërisë që ka. Zgjedhjet janë mbatur pa marrë parasysh kërkesat e elektoratit, opozita vendosi të mos merrte pjesë në zgjedhje e ndërkohë që qeveria ishte e vendosur. Në këtë pikë të një ngërçi politikë zgjedhësit nuk patën ndonjë mundësi reale për të zgjedhur. Në 31 bashki nga 61 ata garuan pa kundërshtarë. Ndërkohë që ka pasur pretendime të besueshme se ishin në presion nga të dyja palët. Shumë vendime të administratës zgjedhore janë marrë duke pasur parasysh garantimin e këtyre zgjedhjevev, ajo që ishte e rëndësishme ishte që procesi u zhvillua pa trazira. Këto zgjedhje janë zhvilluar në një mjesdis tejet të ngarkuar dhe ndikuar politikisht.
Në gjysmën e bashkive, ku opozita u tërhoq votuesit nuk kishin mundësi të zgjidhnin. Administrata lokale në disa pjesë nuk bëri pjesë punën e vet për të siguruar të drejtën për të votuar.
Përveç kësaj media nuk pati pavarësi dhe në vend të ofronte informacione për kandidatët u fokusua tek kriza politike. Kuadri ligjor për zgjedhjet mund të ofronte bazë të shëndoshë për mbajtjen e zgjedhjeve demokratike. Por që ai të zbatohet siç duhet kërkon vullnetin politik të aktorëve zgjedhorë. Ne pamë prova se votuesit ishin në presion nga të gjitha forcat politike. Kjo nuk e ka lejuar votuesin të votojë i lirë dhe i mirë informuar. Kjo cënoi besimin e votuesve. Megjithatë, pavarësisht pasigurisë zgjedhjet u mbajtën dje. Nëse morën apo nuk morën pjesë atë të gjithë duhej të ishin trajtuar me respekt. Aktorët politikë duhet të punojnë në emër të të gjithë qytetarëve dhe jo vetëm atyre që i mbështesim. Ne do të raportojmë raportin tonë për dy muaj. Ky raport do të përmbajë rekomandime dhe ODIHR do të ishte i kënaqur të vazhdonte të mbështeste. Ne i urojmë Shqipërisë sukses në zgjidhjen e mosmarrëveshjeve politike dhe u kërkojmë aktorëve politikë të punojnë në emër të të gjithë qytetarëve të këtij vendi.
