Nga Enver Bytyci
Nga pritja që iu bë zotit Kurti në SHBA shoh nivel të ulët takimesh e bisedash. Por më duket se kjo vjen për shkak të kundërshtive të kryeministrit për ta pranuar asosacionin e Komunave Serbe në Kosovë!
Senatori Murphy dhe ndonjë tjetër e kanë bërë punën e vet! Sigurisht që prapa gjithë kësaj historie janë Aleksandër Vuçiç dhe Edi Rama. Ky i fundit u thotë amerikanëve se edhe ai është dakord me zbatimin e marrëveshjes se nënshkruar për asosacionin në prillin e vitit 2013 nga ana e Hashim Thacit dhe Ivica Daciqit.
Por Kurti deri më sot ka kundërshtuar dhe rezistuar! Nivelin e ulët të takimeve të tij në Stej Departament e Shtëpinë e Bardhë e shoh si mjet presioni ndaj tij!
Nëse është kështu, opozita e Kosovës duhet të jetë e matur ndaj qeverisë dhe zotit Kurti. Sepse të bësh presion për një zgjidhje të konfliktit midis Kosovës e Serbisë me kompromise shkatërruese për shtetësinë është një shërbim pro-serb që opozita mund të bëjë.
