“Kam vajzën prej tre muajsh të sëmurë në gjendje të rëndë, as nuk ha as nuk pi. E dërguam në spital dhe na thanë që brenda kësaj jave duhet të operohet por ne nuk kemi mundësi. Ka pesë fëmijë dhe është me qira. Na ndihmoni që ky operacion të bëhet një orë e më parë që të mos m’i lërë fëmijët jetimë”- është shprehur e pikëlluar nëna e vajzës, duke bërë apel për ndihmë.
Me ndërmjetësimin e #dhuro dashuri, Spitali Amerikan 3 me kontributin e vyer të lojtarëve të Tiranës dhe Partizanit, dhe të bamirësve të tjerë, kanë bërë të mundur realizimin më sukses të operacionit të Valentinës. Në këtë mënyrë kanë bërë të lumtur njerëzit e saj të dashur dhe sidomos pesë fëmijët.
“Të gjithë bashkë ja dolëm, shpëtuam një jetë”- shkruan në rrjetet sociale nismëtari i #dhuro dashuri, Ilir Hoxholli.
