Një operacion anti-drogë u zhvillua sot në fshatin Mujalli, në Fier ku u gjetën 7000 bimë kanabisi midis të mbjellave me misër. Bëhet me dije se operacioni është realizuar nga agjentët e Autoritetit të Mbikqyrjes Policore (AMP), e cila njihej më parë si SHÇBA. Mendohet se gjatë operacionit policia lokale pra ajo e Fierit nuk ka ndërhyrë. Dyshohet se AMP kishte të dhëna se kultivuesit e bimëve narkotike mbroheshin nga policia lokale. Pritet një reagim zyrtar nga ana e Policisë së Fierit.
Gjatë operacionit agjentët e AMP-së u përfshinë në një ndjekje me një makinë të dyshimtë e cila u gjet e hedhur në kanal. Automjeti tip “Ford” me targa AB 121 GR, i cili dyshohet se në tentativë për t’u larguar nga parcela me kanabis në zonën e Mujallisë, mbushur me kanabis, ka rënë në një kanal pamundur dot të dal prej aty.
Disa orë pas ngjarjes, e ndërsa vijon operacioni për asgjësimin e bimëve narkotike, mjeti tip “Ford” është nxjerrë nga kanali, ndërsa bëhen me dije se janë edhe dy persona të prangosur.
Nga ana tjetër, në ndihmë të drejtuesit të automjetit tip “Ford”, i cili i larguar është nxjerrë nga automjeti, ka shkuar një automjet tip “Benz”, drejtuesi i të cilit po ashtu është shoqëruar nga blutë. Mësohet se në automjetin tip “Ford” është gjetur edhe një sasi kanabisi, e futur në thasë plastik, e cila është sekuestruar në cilësinë e provës materiale nga ana e bluve.
