Ish-kryetari i PD-së, Lulzim Basha ka komentuar aksionin e fundit të SPAK për inceneratorin e Fierit dhe kërkesën për arrestimin e ish-deputetit socialist Ali Bllako.
Jashtë Kuvendit, Basha tha se operacioni i SPAK është i pamjaftueshëm sepse para drejtësisë duhet të ishte kryeministri Rama dhe ministrat e përfshirë në skandal.
“Po futem në parlament ku ndërkohë sot ka ndodhur diçka shumë e rëndësishme. Është mishëruar një hap i parë për vjedhjen e shekullit të inceneratorëve. Nuk mund të shpreh keqardhjen time se këtij lajmi i mbivendosen zhvillime nga PD. Ky është një hap i parë. Ishte një shtysë e fuqishme Komisioni Hetimor. Është e pamjaftueshme derisa para drejtësisë të shkojë Edi Rama dhe ministrat” tha Basha.
Ndërkohë për paketën e ndihmës së qeverisë, Basha u shpreh se është qesharake ndihma në krahasim, me vlerën prej 400 milion euro që sipas tij janë vjedhur me inceneratorët.
