Në Foltoren e mbajtur këtë të hënë në Tiranë kreu i PD Sali Berisha i bëri thirrje policisë së shtetit, të qëndrojnë në detyrë dhe të mos ndikohen nga banditët në drejtim gjatë protestës. Berisha gjithashtu paralajmëroi se kushdo që do të prekë qytetarët apo të rinjve do të përballet me revoltën e tyre.
“Ju mblidheni këtu në emër të idealeve të lirisë, të dinjitetin njerëzor e kombëtar. Një përshëndetje për të gjitha ata që mbushën rrugët në kryengritjen tonë paqësore. Të rinjtë ishin forca energjia dhe u bënë tmerri i narko-regjimit më datën 10 shkurt. Sot ju them se është shans i madh i jetës suaj të filloni jetën politike në mbrojtje të vendit tuaj. Është shansi i madh i juaj, mision i jetë suaj për të cilin do të ndjeheni krenar. Unë dënoj dhunën terrorin fizik dhe psikolog që u ushtrua në komisariatet e policisë ndaj të rive, adoleshentëve, histerinë në parlament të hajdutëve socialistë. Unë paralajmëroj policinë se nuk do tolerohet asnjë keqtrajtim ndaj qytetarëve dhe të rinvje. I them oficeres që paraqitej si psikologe tek adoleshentët e arrestuar. Do të gjejmë cila je e zeza ti, ligji do të jetë shumë i rreptë mbi. Të shkojë me uniformë mashtrimi, nuk duhet të harroje se je motër, nënë bashkëshorte. Ju nuk kemi asgjë të përbashkët me kriminel Prodën dhe Sokol Bizhgën, urdhrat e tyre asnjë të mos i zbatojë”, tha Berisha.
Kreu i PD Sali Berisha nuk i ka kursyer akuzat ndaj kryeministrit Edi Rama.
Gjatë fjalës së tij në protestën e organizuar para Kryeministrisë, Berisha theksoi se kryengritja paqësore e opozitës u bë zëri i të gjithë shqiptarëve.
“Ai është njeriu që ju e detyruar të dalë lakuriq si hajdut para shqiptarëve dhe botës. Me kryengritjen tonë arritëm t’i themi botës se kemi një mostër në pushtet. Që e përdor pushtetin për të vjedhur nga mëngjesi deri në darkë. Përdor pushtetin për drogën e krimin. Por ne jemi të vendosur për ta larguar nga pushteti atë. Rrjetet televizive kanë dhënë protestën tonë më gjatë, sepse ishte dëshmi e simpatisë së madhe që ne krijuam me vendimin tonë për t’i dalë Zot Shqipërisë e shqiptarëve. Sot Rama pasi në Bruksel i nxorën kartonin e zi dhe në Mynih i përplasën derën në fytyrë, vendosi të ndryshojë ligjin me të cilin beson se ai dhe ministrat e tij të vjedhë dhe se drejtësia nuk do veprojë mbi ta. Do të veprojë populli mbi ta”, tha Berisha.
gijotina.com/
