Një banor i “5 Majit” ka kërcënuar drejtpërdrejt në televizion nënkryetarin e Bashkisë së Tiranës Arbi Mazniku dhe ministren e Infrastrukturës Belinda Blluku.
Ai ishte mes banorëve të tjerë të cilët protesojnë prej ditësh për prishjen e shtëpive të tyre, në kuadër të procesit të rindërtimit.
“Ti Maznik, Mazzz, Mazlesh, mjekërcjap a si e ke… Zoti Mazniku tërhiqi fjalët. Nuk është personale kjo. Tërhiqi fjalët mjekërcjap “, tha ai ndër të tjera, duke iu drejtuar nën/kryetarit të Bashkisë së Tiranës.
Me një mesazh banori iu drejtua edhe ministres Ballluku. “Do të vij atje ku ke shtëpinë, se është kollaj me përmend emrin tim dhe të familjes. Zonja Beqir Balluku neë (e re). Këtë nuk ma jep dot ti (mban në dorë një kontratë) dhe të më thuash që nuk e jep dot me qera apo nuk e shet shtëpinë. Unë vete te noteri dhe e shes. Mos e bëni popullin t’ju vijë te shtëpia. Se ju nuk vini te ne. Ne jua gjejmë shtëpiat. Edhe në bllok, edhe te Nobisi. Çdo banor i ka 500 lekë për të blerë një shishe benzinë”, tha i revoltuar banori i “5 Majit”.
