Çështja e Artan Shkëmbit, ish-numrit 2 të Operacionit Forca e Ligjit është rikthyer në hetim. Artan Shkëmbi, zv.kryetar i OFL-së, akuzohet për dekonspirim të operacioneve dhe përfshirje në korrupsion. Hetimet për Shkëmbin përfunduan në korrik të vitit 2021 dhe dosja kaloi në Gjykatë, e cila mbajti thuajse një vit seancë paraprake. Prokuroria nga ana tjetër thotë se i ka mbaruar hetimet dhe do ta rikthejë sërish kërkesën në gjykatë.
Artan Shkëmbi akuzohet për ‘Shpërdorim detyre’ dhe nxjerrje të sekretit hetimor. Hetimi për Shkëmbin ka ardhur pas një informacioni të mbërritur nga drejtësia Gjermane, e cila kishte kërkuar hetim dhe bashkëpunim për dy trafikantë shqiptarë, Aleksandër Prronin e Klaudio Vukajn. Sipas informacionit nga gjermanët, trafikantët janë lajmëruar nga Shkëmbi se ishin vënë në hetim për verifikimin e pasurisë.
Shkëmbi u hetua fillimisht nga SPAK për “korrupsion” dhe “nxjerrje sekreti hetimor”. Por më pas dosja i kaloi për kompetencë Prokurorisë së Tiranës, pasi rezultoi se nuk ka “korrupsion” dhe tashmë ai do të hetohet për nxjerrje të sekretit hetimor.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
