Një 56-vjeçar nga Kukësi ka rënë në prangat e policisë së Tiranës pasi akuzohet se nxiste veprime terroriste në rrjetet sociale. Sipas njoftimit, policia ka arrestuar me urdhër të SPAK shtetasin Ibrahim El Salih(Lekica).
Ai dyshohet se postonte me profile false në rrjetet sociale, foto dhe shkrime nxitëse, thirrje publike dhe propagandë për kryerjen e veprave terroriste kundër disa institucioneve të rëndësishme shtetërore, gjithashtu i bënte thirrje qytetarëve për përkrahje të luftës në Siri.
Lekica është banues në Kukës, ndërsa po mbahet nën masën e sigurisë “Arrest në burg”, si i dyshuar për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”. Materialet i kaluan SPAK-ut, për veprime të mëtejshme.
