Pas pesë muajsh mësim të kombinuar, të gjithë nxënësit e sistemit parauniversitar kanë nisur mësimin në kushte shkolle.
Për shkak të kushteve të pandemisë, nga 1740 shkolla, në 650 prej tyre mësimi do zhvillohet me turne.
“Me turne, grupi i parë 8 me 11, ndërsa grupi i dytë 11 e gjysmë me dy”, u shpreh një nxënës.
“Sigurisht më mirë me turne, se online nuk bëhet”, tha ai më tej.
“Me turne më mirë sepse marrim më shumë njohuri, ishte i vështirë online”, tha një tjetër nxënëse.
Rikthimi në shkollë u mirëprit sidomos nga nxënësit e klasave të nënta, të cilët kanë nisur përgatitjet për provimet e lirimit.
Ashtu sikurse në nisje të vitit shkollor nxënësit nga klasa e gjashtë e kanë detyrim mbajtjen e maskës gjatë orëve mësimore.
