Polemikat mes kapitenes së përfaqësuese së femrave të SHBA-së Megan Rapinoe dhe presidentin Donald Tramp, vazhdojnë në të njëjtat ritme.
34-vjeçarja deklaron se nuk do ta pranonte një ftesë të mundshme të presidentit Tramp, në Shtëpinë e Bardhë, për t’u përgëzuar për triumfin e arritur.
“Edhe vajzat e tjera, me të cilat kam biseduar nuk do të shkonin. Ekspozimi si trofe i skuadrës sonë do të ishte një mundësi për këtë administratë, nuk mendoj se ka kuptim për ne. Madje nuk arrij ta imagjinoj që një nga shoqet e skuadrës do të dojë të marrë një pozicion të tillë. Presidenti ka një përgjegjësi të madhe për t’u kujdesur për çdo njeri të veçantë të këtij vendi dhe duhet të bëjë më të mirën për të gjithë”, kanë qenë fjalët e Rapinoe.
/PANORAMASPORT.AL/
