Flamur Hoxha, deputeti i Partisë Demokratike për Kukësin mungoi sot në “Foltoren” e ish-kryemnistrit Sali Berisha në këtë qytet. Në një shënim të gjatë në rrjetet sociale, Hoxha rrëfen rrugëtimin e tij në këtë forcë politike, ndërsa argumenton pozicionin e tij.
Deputeti thekson se i kupton zërat spontanë, siç i quan ai për të dalë nga institucionet, por nënvizon se nuk e ka menduar kurrë të dalë nga PD.
“Unë nuk jam në PD për hatër te askujt as për mëshirë te ndokujt, jam në PD për hir të familjes e historisë time,” shprehet ai, ndërsa e mbyll mesazhin me një thirrje për të mos u përçarë.
Të dashur demokratë, votues e miq të mi.
Uroj që këtë status secili ta lexoje larg emocioneve e sa më afër realitetit objektiv të PD prej 30 vitesh. Asokohe isha 23 vjeçar kur u bera antarë nismëtar i saj, i PDSH.
Unë jam votuar nga mijëra qytetarë e demokrate kuksiane që të jem deputet i PD. Ndjehem krenar dhe jam mirënjohës thellësisht votuesve të mi e të PD.
Unë jam një individ në oqeanin PD, kontribues i përjetshëm pa kushte dhe gjithnjë pranë në kohërat e vështira te saj.
Njerëzit që më kanë njohur e dinë se nuk jam rastësisht në anijen PD, nuk jam rastësisht antikomunist të cilën e kam të shkruar në lëkurë me plumba.
