Jep dorëheqjen nga posti i kryeministrit të Sllovenisë, Marjan Sarec, për shkak se nuk mund të kontrollonte dot koalicionin qeverisës dhe nuk mund të përmbushte dot me pakicën në Parlament kërkesat e popullit. Pas dorëheqjes, Sarec i bën thirrje popullit për mbajtjen e zgjedhjeve të reja.
“Kam vepruar në mënyrë profesionale dhe transparente gjatë gjithë kohës, duke u përpjekur për të marrë masa për të shtuar mirëqenien ndër breza të popullit tonë dhe rritur qëndrueshmërinë financiare afatmesme. Me këtë koalicion, me këtë gjendje në parlament, nuk mund t’i përmbush pritshmëritë e popullit. Do të kem mundësi ti përmbush pas zgjedhjeve”, ka thënë sot kryeministri slloven.
Kujtojmë që para kryeministrit dorëheqjen e ka dhënë dhe ministri i Financave Andrej Bertoncelj.
