Ka qenë një shtetas maqedonas ai i cili ka fundosur qendrën e masazheve në Tiranë ku ofroheshin shërbime prostitucioni.
Maqedonasi kishte shkuar si klient në atë qendër masazhi dhe ka telefonuar policinë pasi nuk kishte dalë i kënaqur nga shërbimi që i është ofruar.
Shtetasi në fjalë pretendon se është mashtruar nga disa vajza në një qendër masazhi, por hetimet e ndjekura nga komisariati nr 6 në Tiranë ka rezultuar se në fakt bëhet fjalë për një qendër prostitucioni.
27-vjeçarja Malvina Hila dhe 23-vjeçarja Borana Koçi janë dy menaxheret që u arrestuan këtë të premte, (5 gusht 2022) në kryeqytet, pasi qendra e masazhit që ato menaxhonin përdorej për prostitucion.
Së bashku me 2 të rejat në pranga ka përfunduar edhe një punonjës i qendrës, ndërsa 4 shtetas të tjerë po procedohen në gjendje të lirë.
Kjo qendër kishte aktivitet edhe në rrjetet sociale: Facebook dhe Instagram. Gjatë një kontrolli në faqen e kësaj qëndreje shikohen vajza gjysmë të zhveshura, të cilat në çdo postim shënonin numërin e telefonit për të kryer rezervime.
Sipas hetimeve të deritanishme kjo qendër kishte një aktivitet të gjerë në fushën e prostitucionit e ndërsa po vijojnë kërkimet për lokalizmin dhe arrestimin e pronarit të saj, i cili është identifikuar si Mentor Musarai, i moshës 47 vjeç.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
