Një ditë më parë, Einxhel Shkira dhe Dj Dagz konfirmuan se do të bëhen prindër për herë të parë. Mes urimeve të shumta, një ndër personazhet që ka reaguar lidhur me këtë lajm të bukur ishte edhe Ilir Shaqiri. Gjatë kohës që ishin pjesë e shtëpisë më të famshme të “Big Brother Vip”, balerini nuk kurseu thumbat duke thënë se marrëdhënia e tyre nuk ishte e vërtetë dhe se nuk do të zgjaste për shumë kohë.
Pas lajmit të pritjes së ëmbël, Iliri ka shkruar: “I tejkaluat parashikimet, bravo ju qoftë”.
Kujtojmë se, Einxhel Shkira dhe DJ Dagz janë një ndër çiftet më të komentuar pas daljes nga shtëpia e famshme e BBV. Dyshja më të dashuruar se kurrë shihen gjatë gjithë kohës në shoqërinë e njëri-tjetrit dhe këtë gjë e kanë vërtetuar shpesh me postimet nëpër rrjetet e tyre sociale.
Ditën e djeshme, në një postim të bërë Einxhel i dha përfundimisht fund zërave për shtatzëninë e saj.
