Noizy e ka rrahur me grushta ish anëtarin e “The Bloody Alboz (TBA)”, Cllevio, i njohur edhe si shoku i Stresit. Gjithçka ka nisur pasi mes tyre ka ndodhur një sherr verbal para disa kohësh, madje kishin shkëmbyer edhe mesazhe.
Pas kësaj, Noizy ka postuar një videon në TikTok, por që më vonë pas pak minutash e ka fshirë atë. Noizy shihet teksa niset në drejtim të Cllevio duke e goditur atë me grushta dhe e rrëzon.
Kujtojmë që para një jave Cllevio kishte postuar një mesazh të Noizyt, ku ai i thoshte se nuk është duke bërë mirë që është duke e sharë. Pas një jave të publikimit të këtij mesazhi Noizy ka reaguar duke e rrahur Cllavio.
Ndërkaq përmendim që Stresi nuk ka reaguar dhe të gjithë janë gjithë sy e vesh për të parë sesi do reagojë, pasi para disa kohësh ata kanë sheshuar mosmarrëveshjet dhe janë bërë miq me njëri-tjetrin.
