Gjendja ekonomike e shqiptarëve ka shkaktuar përplasje në Kuvend, mes kryeministrit Edi Rama dhe kryedemokratit Lulzim Basha.
Sipas Bashës, gati gjysma e shqiptarëve jetojnë në vërfëri, por kryeministri teksa iu referua një tabele të Eurostat, pretendoi për të kundërtën.
Sipas Ramës, niveli i varfërisë në Shqipëri është pak a shumë si në Turqi dhe Letoni, ndërsa shtoi se vendi ynë ka më pak të varfër se Rumania, Serbia dhe Mali i Zi.
“Kjo është tabela e Eurostat. Asnjë lidhje me qeverinë, asnjë lidhje me masakrën zgjedhore, asnjë lidhje me PPP. Në rënditjen për varfërinë, lidhur me vitin 2019, Shqipëria renditet jo me 50% varfëri siç thoni ju. Kjo ishte në kohën tuaj. Shqipëria renditet në grup së bashku me Turqinë, me 22.4%, Letonia 22.9%, Shqipëria 23%, Serbia % 23.2, Rumania, 23.8 dhe Mali i Zi 24.5%.
Kjo është e vërteta. Shifrat në kohën tuaj janë pa krahasim fare. Bëhu dhe vetë i varfër se nuk e ke problem të bësh sikur”, tha Rama.
