Pedro Luca jeton në një shpellë në veri të Argjentinës që prej 40 vitesh. Burri 79 vjec mbijeton pa ujë apo energji elektrike në shpellën e tij në një mal në provincën veriore të Tucuman.
Kur e merr uria, ai merr pushkën e tij dhe shkon për gjueti ose udhëton tre orë poshtë malit për të mbërritur në pikën më të afërt të San Pedro de Colalao.
Ndërsa një përrua është burimi i tij kryesor i ujit. “Ujë më të pastër dhe të pasur nuk ka,” thotë ai.
Shokët e tij në shpellë? Njëmbëdhjetë gjela dhe dy dhi që bredhin malin gjatë ditës dhe kthehen në mbrëmje në kërkim për strehim dhe që t’i shpëtojnë sulmit të ndonjë grabitqari.
Luca është bërë një legjendë në San Pedro de Colalao, dhe banorët e qytetit i japin atij ushqim dhe furnizime. Ai blen qirinj, maja dhe misër me një pension qeveritar të pleqërisë, me vlerë rreth 100 apo 200 dollarë, të cilat ai i merr në zyrën postare të qytetit.
