Një grup ndërkombëtar i reporterëve investigativë ka dokumentuar një rrjet të gjërë të transfertave të parave të dyshuara nga bashkëpunëtorët e presidentit të Rusisë, Vladimir Putin, që kanë depozituar më shumë se 2 miliardë dollarë në kompanitë e regjistruara jashtë (offshore).
Ky informacion është publikuar në kuadër të një raporti të ri të gjërë, të quajtur Panama Papers, në të cilin shqyrtohen dhjetëra liderë botërorë dhe zyrtarë publik në gjithë botën, sistemi i transferit të parave dhe regjistrat sekretë të ndërmarrjeve, që kanë mundësuar që shuma të mëdha të parave, shpesh herë me prejardhje të dyshimtë, që fshihen nga agjencitë e zbatimit të ligjit dhe rregullatorët.
Të dhënat që kanë rrjedhur fillimisht ishin paraqitur nga e përditshmja gjermane, Suddeutsche Zeitung. Këto shënime pastaj ishin ndarë me Konzorciumin Ndërkombëtar të Gazetarëve Investigativë (ICIJ), me seli në Uashington, që ka bashkëpunuar me mediat në gjithë botën gjatë periudhës njëvjeçare, për të organizuar, analizuar dhe publikuar materialet.
Në mesin e pohimeve të raportit është edhe ai se një muzikant nga Shën Petersburgu, i cili është mik i vjetër i Putinit, i ka mbledhurr 100 milionë dollarë pasuri. Ky person, së bashku me violonçelistin Sergei Roldugin, ishte pronar i 12.5% të aksioneve në një kompani që dominonte në tregun për shpallje televizive në Rusi. Roldugin po ashtu, kishte 3.2% të aksioneve në Bank Rossiya.
Kjo bankë, nga ana tjetër, ishte nën kontroll të një shoku tjetër të Putinit, biznesmenit Yury Kovalchuk, i cili së bashku me bankën, është nën sanksione të Shteteve të Bashkuara, për shkak të aneksimit të Krimesë në Ukrainë nga ana e Rusisë, në vitin 2014.
Raporti thotë se Kovalçik dhe banka e tij e kanë përdorë një entitet në Qipro, i njohur si Sandalwook, për të marrë afro një milion dollarë, në kredi të pasigurta nga kjo bankë që kontrollohet nga shteti.
Këto fonde pastaj janë shfrytëzuar për të dhënë kredi me shkallë të lartë të interesit në Rusi, ndërsa një pjesë e pperfitimit ka përfunduar në xhirollogaritë e bankave në Zvicër.
Sandalwood po ashtu, kishte lidhje financiare me një qendër të skijimit në rajonin Shën Petersburg, ku vajza e Putinit, Katerina, ishte martuar, raporton Panama Papers.
Mediat ruse, po ashtu, kanë identifikuar personin Sergei Roldugin, si kumbar i vajzës tjetër të Putinit, Maria.
Shumë zyrtarë të tjerë të nivelit të lartë në qeverinë e Rusisë, po ashtu, jane të perfshire në dokumentet që kanë rrjedhur.
Bashkëshortja e zëdhënësit të Kremlinit, Dmitry Peskov, djali i ministrit për zhvillim ekonomik, Aleksei Ulyukayev, ish-zyrtari i administratës presidenciale, Ivan Malyushin, zëvendësprefekti i Moskës, Maksim Liksutov, nipi i sekretearit të Këshillit të sigurisë, Nikolai Petrushev, djali i zëvendësministrit të brendshëm, Igor Zubov, pastaj bashkëshortja e guvernatorit të rajonit Pskov, Andrei Turchak, guvernatori i rajonit Çelabinks, Boris Dubrovsky, jane të lidhur me kompani të ndryshme.
Katër anëtarë të Parlamentit të Rusisë, po ashtu, janë të implikuar.
Autorët e raportit thonë se ata kanë kërkuar koment nga Kremlini, por jane refuzuar.
