Banorët e qytetit Hull në veri të Mbretërisë së Bashkuar kanë përjetuar një mëngjes ndryshe gjatë kësaj të shtune, teksa janë përballur me një lumë njerëzish lakuriq dhe të lyer me nuancat e të kaltrës.
Fotografi amerikan Spencer Tunick ka bërë bashkë 3200 persona nga 20 vende të ndryshme, të cilët terësisht nudo janë bërë pjesë e projektit ndërkombëtar, instalacion arti për të cilin ai është autorizuar.
“Instalacioni “Deti i Hull” është një nga projektet më fantastike që kam realizuar ndonjëherë dhe lindi si një frymëzim për të ndërthurur trashëgiminë detare të qytetit kundër një sfondi urban”, ka thënë Tunick.
Qyteti i Mbretërisë së Bashkuar Hull pritet që në vitin 2017 të bëhet qyteti i kulturës. Qëllimi i Spencer Tunick është të fotografojë qindra banorët e qytetit në një përmbledhje që rikujton historinë lundruese të qytetit Hull.
“Kjo më intrigon mua se në disa vende ku ka rrugë të mëdha apo parqe sot, më parë ka pasur ujë. Për të reflektuar këtë unë përdora ngjyrë të trupit në mënyrë që njerëzit të krijojnë idenë e një deti të përmbytur të njerëzimit në një peisazh urban”.
