Adonis Georgiadis, nënkryetari i partisë më të madhe opozitare, Demokracia e Re, e ka dërguar lëndën plasëse për zyrtarin e lartë gjerman
Personi që shihni në fotografinë më lart, është Adonis Georgiadis, nënkryetari i partisë më të madhe opozitare, Demokracia e Re. nga adresa e tij ka mbërritur dje një pako me eksploziv në seline e një ministrit gjerman të financave. Autoritetet gjermane çaktivizuan dje paketën me eksploziv, e cila vinte nga Greqia. Sipas mediave gjermane, paketa adresohej për ministrin, Wolfgang Schauble. Që në nisje të hetimeve u evidentua se paketa-bombë ishte dërguar nga Greqia, prej një zyre postare që ende nuk është identifikuar. Nga hetimet rezulton gjtihashtu se dërgues i paketës, paraqitet një politikan i njohur grek, Adonis Georgiadis, nënkryetari i partisë më të madhe opozitare, Demokracia e Re.
Duke folur për gazetën gjermane Bild, Georgiadis konfirmoi se adresa nën emrin e dërguesit ishte ajo e zyrës së tij në qendër të Athinës.
“Për fat të keq, është e vërtetë. Kjo është adresa ime. Terroristët vunë emrin tim, pse në Greqi konsiderohem si mik i Gjermanisë dhe i zotit Schauble”, deklaroi politikani grek.
Policia greke po heton për të lokalizuar zyrën postare prej nga u dërgua zarfi bombë për në Berlin, por edhe për të gjetur detaje të tjera që mund ta vënë në gjurmë të autorëve.
Dyshimet e para kanë rënë mbi organizatën guerrile greke, “Komploti i Celulave të Zjarrit”.
Kjo është organizata që në nëntor 2010, kishte nisur zarfe bombë në adresë të kancelares Merkel, presidentit francez dhe kryeministrit italian të atëhershëm, si dhe në tetë ambasada të huaja në Athinë.
