Agjencia Austriake e Shëndetësisë ka deklaruar sot pezullimin e përkohshëm të vaksinimit me AstaZeneca.
Ky vendim është marrë nga autoritetet e Austrisë pasi një grua 49-vjeçe vdiq, pak pasi mori dozën e parë të AstraZeneca, ndrësa një tjetër 35-vjeçare shfaqi simptoma të rënda dhe ndodhet e shtruar në spital, ku dhe po kurohet.
“Aktualisht nuk ka asnjë provë të një lidhje me vaksinimin. Si një masë paraprake, rezervat e mbetura të grupit të vaksinave nuk po lëshohen,” tha Zyra Federale për Sigurinë në Kujdesin Shëndetësor (BASG).
Vaksina është aprovuar nga Agjencia Evropiane e Barnave dhe Organizata Botërore e Shëndetësisë bazuar në një program global klinik që përfshinte 23,000 pjesëmarrës.
Të gjitha këto vlerësime kanë arritur në përfundimin se vaksina AstraZeneca është e sigurt dhe efektive.
Rregullatorët e Bashkimit Evropian më 30 janar miratuan produktin, duke thënë se ai ishte efektiv dhe i sigurt për t’u përdorur.
