Shkëlzen Berisha dhe Armina Mevlani kurorëzuan mbrëmjen e djeshme dashurinë e tyre 9-vjeçare në një dasmë përrallore që duket së është dasma e vitit.
Dhe sigurisht një nga detajet më të rëndësishme në një dasmë janë fustanet e nuses.
Blogerja hyri në dasmë me këtë fustan që shihni në fotot e Armand Sallabandës, krijuar nga Vivienne Westwood.
Më pas veshi dy krijime shqiptare nga Festim Isufi dhe Valdrin Sahiti.
Ky i fundit, në një lidhje direkte me studion e “Dita Jonë”, tregoi kërkesat që kishte Armina për fustanin e dasmës.
“Kërkesat e Arminës janë gjithmonë shumë modeste, në prerje dhe në material”, theksoi Sahiti. “Fustani ishte i thjeshtë dhe shumë i lehtë në vallëzim”, tha stilisti, i cili nënvizoi se ishte një dasmë e qetë dhe “gjithçka ishte në pozicionin e duhur”.
