Policia ka dalë me njoftim zyrtar për ngjarjen e rëndë në Fier ku Petrit Manaj qëlloi pesë herë me thikë duke i marrë jetën gruas së tij 50-vjeçarja Valdete Manaj, ndërsa tenbtoi të fshihet krimin.
Ngjarja e rëndë ndodhi mëngjesin e sotme në fshatin “Sheq i Madh” në Fier, ku fillimisht u raportua se viktima kishte vrarë veten dhe ishte kunati i saj që njoftoi policinë, por hetimi ka treguar të kundërtën.
Sipas njoftimit, nga provat e grumbulluara, deklarimet e marra, këqyrjes së trupit të viktimës nga eksperti mjeko-ligjor dhe veprimet e mëtejshme hetimore të kryera nga grupi hetimor në bashkëpunim me Prokurorisë Fier, rezulton se Manaj bashkëshorti i viktimës, për motive të dobët e ka goditur pesë herë me thikë duke i marrë jetën.
U sekuestrua në cilësinë e provës materiale mjeti prerës (thikë), me të cilën dyshohet se autori ka kryer vrasjen, ndërsa ky i fundit është arrestuar dhe ndodhet pas hekurave.
