Policia e Malit të Zi evakuoi një pjesë të rrugës Marshal Tito në Tivar për shkak të kërcënimit të një personi për të shpërthyer eksploziv.
Ai kishte vendosur më parë në një filial banke mbishkrimin “Kthejini paratë që u vodhët punëtorëve të Primorkës”.
Nga Qendra Operacionale e Policisë kanë konfirmuar për mediat malazeze se mëngjesin e sotëm janë njoftuar se një person kërcënonte se do të aktivizonte një lëndë shpërthyese.
Sipas policisë është evakuuar godina ku ndodhet dega, si dhe ndërtesat e banimit në afërsi. Në vend ndodhet edhe një zjarrfikës.
Janë bërë disa tentativa për të negociuar me burrin për të hequr dorë nga qëllimi i tij, por deri më tani pa sukses. Më zonë po shkojnë dhe anëtarë të familjes së tij të ngushtë për të negociuar.
