Nisma e aktorit dhe regjisorit Bujar Kapexhiu #EdheUnë është mbështetur nga mijëra qytetarë, politikanë dhe intelektualë të fushave të ndryshme.
Kjo nismë ka shënuar një numër të madh intelektualësh, që rriten çdo ditë e më shumë, të cilët nuk duan të marrin pjesë në zgjedhjet vendore të 30 qershorit.
Gjatë ditës së sotme, i janë bashkuar nismës “edhe unë” edhe kreu i partisë Zgjidhja, Koço Kokëdhima, si dhe piktori Avni Delvina.
Kujtojmë që kjo nismë është në mbështetje të gjithë qytetarëve që nuk duan zhvillimin e zgjedhjeve një partiake në Shqipëri, por atyre të lira dhe të ndërshme.
