Pas kritikave të shumta me shprëndarjen e dekoratave ndaj artistëve, presidenti në detyrë ndërmerr një tjetër hap.
Bujar Nishani në ditët e fundit të drejtimit të Presidencës ka hapur dyert e nënshtetësisë shqiptare për kinezët.
Nishani u ka dhënë shtetësinë shqiptare 19 biznesmenesëve kinezë më datë 12 korrik pas një propozimi të nga Ministria e Zhvillimit Ekonomik, Tregtisë dhe Sipërmarrjes.
“Dekret për dhënie të shtetësisë shqiptare. Në mbështetje të nenit 92, pika “c”, dhe nenit 93 të Kushtetutës, si dhe nenit 9, pika 7, e nenit 20 të ligjit nr. 8389, datë 05.08.1998, “Për shtetësinë shqiptare”, të ndryshuar, bazuar edhe në propozimet e Ministrit të Zhvillimit Ekonomik, Tregtisë dhe Sipërmarrjes, dekretoj: Neni 1. U jepet shtetësia shqiptare me kërkesë të tyre personave të mëposhtëm: Deqiang Nianzu Huang, Yuanfeng Qingzhao Lu, Kangbo Renguang Tang, Changqing Renxiang Jiang, Jiarong Xichang Mai, Changfeng Jiarong Mai, Xiao Zhengliang Fu, Chunmei Chengyuan Yang, Bin Huajun Zhang, Yu Tinggui Xu, Tung Yin Tai Leung Lai, Ronghuo Yutian Lai etj.”, thuhet në dekretin e kreut të shtetit.
Ndërsa më 30 qershor, Nishani u ka dhënë shtetësinë shqiptare 23 shtetasve turq.
