Ish-presidenti Bujar Nishani gjatë fjalës së tij në Kuvendin Kombëtar të PD, që po mbahet në stadiumin “Air Albania”, është ndalur tek historia e themelimit të PD, sakrificat dhe çmimet që ka paguar në 30 vite.
Nishani theksoi se sot kjo parti nis një rrugëtim të ri. Po ashtu ai risolli në vëmendje edhe vrasjen e Heroit të Demokracisë, Azem Hajdari, ndërsa theksoi se “fryma e tij është sot mes nesh”.
“Sot nis një rugëtim ndryshe i forcës politike më të fortë të pluralizmit politik shqiptar. Na është dashur të mbajmë mbi shpinë një situatë të pameritur, fyese dhe absurde, për këtë parti që solli pluralizmin politik dhe dha kontributet më serioze në qeverisjen e këtyre 30 viteve. PD ka kaluar në situata ekstremisht të vështira dhe ka paguar çmime dhe sakrifica. Kujtojmë këtu vrasjen e Arben Brocit, Bujar Bishanakut, Nazmi Kryeziu dhe Besnik Ceka. Apo edhe Jusif Bucës dhe Artan Lenjës. Por edhe të tjetrë të sakrifikuar gjatë diktaturës. Kjo parti u krijua nga idealet e rinisë studentore të viteve 90, nga revolta dhe përballja e tyre me regjimin më të egër në të gjithë Europën. Por askush nuk e kishet besuar se pas rreth 30 vitesh, këtë parti do ta sillnin në pragun e shuarjes. Do tentonin ta kthenin në kukullën e atij klani, më të cilin u përball në vitet ’90. PD në 30 vitet e saj ka qeverisur vendin, por ka dalë edhe në opozitë. PD e ka ndërtuar këtë vend, por ka qënë dhe në protesta. Ka emëruar ministra, kryeministra e presidentë. Por, kësaj partie edhe ja kanë vrarë militantët dhe komisionerët. I ekzekutuan liderin e saj të parë Azem Hajdarin. Fryma e Azem Hajdarit është sot mes nesh. Fryma e këtij Kuvendi duhet të ishte përcjell që në muajin korrik, por lidershipi nuk prekupohej për hallet e demokratëve, por ishte zhytur në skenarin e turpshëm të tregtimit të partisë”-tha Nishani.
https://youtu.be/9fkCWTAfJuM
