Presidenti i Republikës, Bujar Nishani ka dekoruar me medaljen “Nderi i Kombit” 723 studentë dhe pedagogët që morën pjesë në grevën e ‘91, kundër PPSH-së.
Ndër personazhet që pranuan sot dekoratën ishin deputetja e PDIU, Mesila Doda dhe drejtori në Bashkinë e Tiranës, Blendi Gonxhe.
Kjo dekoratë është dhënë me motivacionin: “Për rolin dhe kontributin e tyre jetik e vetëmohues në shembjen e mitit dhe kultit të individit të ish-diktatorit Hoxha; për depolitizimin e Universitetit Shtetëror të Tiranës; për shmangien e përplasjes së mundshme civile si dhe për dhënien e goditjes vendimtare së ashtuquajturës diktaturë të proletariatit dhe luftës së klasave në Shqipëri.”
