Ka nisur sot shpërndarja e teksteve në pikat e licencuara pranë shkollave ku mësojnë nxënësit.
Drejtorja e Arsimit parauniversitar, Zamira Gjini, garanton nxënësit se nuk do të ketë mungesë të teksteve, pasi botuesit kanë printuar në kohë librat në bazë të kërkesave të shkollave.
“Kemi rreth 170 tekste në katalogun shkollor, tekstet e klasave nga e para në të nëntën janë shpërndarë që një javë përpara nga botuesit në të gjithë Shqipërinë, nuk ka mungesë të teksteve nga katalogu i teksteve shkollore“, është shprehur Gjini.
Autoritetet e Arsimit i bëjnë thirrje nxënësve të mos i lënë në ditë të fundit blerjet e librave me qëllim shmangien e radhëve, ndërsa thonë se ky proces do të vëzhgohet nga Ministria e Arsimit dhe Inspektoriati Shtetëror i Arsimit.
