Nis numërimi i votave për kreun e Akademisë së Shkencave.
Mësohet se nga numërimi i votave kanë dalë 41 të vlefshme 2 të pavlefshme.
Kandidati i vetëm për ASH është Skënder Gjinushi, i cili shpalosi edhe platformën që sipas tij do të çojë në një hapje të ASH.
“Me parashikimim rishtas të statutit të antarit të jashtëm do të mundësohen përfshirjen në radhët e akademisë së individëve të sukseshëm që punojnë në qendra të sukseshme jashtë vendit. Për anëtarët e jashtëm duhet të afrohen forma konkrete bashkëpunimi, për të kontribuar. Vendosja për herë të parë në ligj e ngritjes së akademisë së të rinjve, do t’i japë asamblesë frymë të re kërkimore. Rikthimi i legjitimitetit të shumë anëtarëve të ASH, kontributin e kanë dhënë në periudhën kur Shqipëria krenohej me akademinë. Praktika jonë ka treguar se mbi 75-vjeçarët kanë qenë edhe aktivët dhe kanë publikuar vepra të vyera. Angazhimi ynë është që t’i jepet jetë parashikimit ligjor që të përfshihen në komisione edhe anëtarët jo me tituj, kjo do të thotë një hapje e akademisë. Hapja e ASH ndaj akademikëve dhe akademive të rajonit, bashkëpunimi me akademinë e Kosovës. Një sfidë e re është rritja e rolit proaktiv të ASH në fushën e studim-kërkimit. ASH nuk mund të luajë rolin e saj pa vendosur kontakte ligjore komunikimi me këshilin e ministrave dhe komisionet. Vendosja e një administruesi. ASH i burojnë një sërë objektivash dhe detyrash. ASH ka krijuar tashmë një traditë, edhe në vitet e vështira të saj, tashmë detyrat dhe misioni ynë janë të qarta. Kjo është një çështje besimi. Unë si kandidat kam besimin se së bashku me ju ne mund t’i realizojmë ato. Nëse ju keni besim, do të ishte shumë për nder shprehja e këtij besimi me votën tuaj”, u shpreh Gjinushi.
Kujtojmë se zgjedhja e Gjinushit në kryet të ASH është kundërshtuar fort nga akademiku Artan Fuga.
Fuga tha se sot është një ditë e zezë për shkencën dhe arsimin në Shqipëri.
